如果花兒也喜歡我

十二月十二日　星期六

王子走遍了宇宙，

在小行星上找到了玫瑰，

靜靜在附近找個位置坐下來。

「你是甚麼時間開始在這裏的？」玫瑰睡醒，問。

「我一直都在，我一出生就注定要來到這裏。」王子還是靜靜的坐在那裏，那個不遠也不近的距離，靜靜的。

王子坐了在那裏很久，不說話，有時冥想，有時看書。

「替我澆水。」玫瑰說，王子就替它澆水。

「為我施肥。」玫瑰說，王子就為它施肥。

「講個故事。」玫瑰說，王子就向它講了他流浪時的所見所聞。

玫瑰不說話的時候，王子就坐回那個位置，不說話，有時冥想，有時看書，也有時用筆在本子上描描畫畫。

「為甚麼不碰我，是不是因為我有刺？」

王子微笑，不作聲，也不告訴它，他根本不怕刺。

「為甚麼不看我，是不是因為我不美麗？」

王子微笑，搖搖頭，不作聲，也不告訴它，它美麗，但不算是最美麗。

「為甚麼不坐近我，你究竟在想甚麼？」

王子微笑，不語，王子不告訴它，它根本沒有為他空出一席之地，而他也不知道自己在想甚麼。

雙方靜默，對望，無言。

王子最終也沒有告訴它，它並不是他看過的第一朵花，也不知道會否是最後看見的一朵花，但知道它不是自己能抱緊的一朵花。

卡夫卡的七箱芝士

十二月六日　星期日

看了本年度最後一場節目，是時候閉關，冇乜事有乜事都盡量唔好搵我，都係要晚晚瞓圖書館。

詮釋，再讀，延伸，解說，千萬個講法，但又有誰能明白一個人真正的憂愁之所在？或許他活在今天，會是個蛻變的宅男，又或肌餓的草食男。

閱讀就好好閱讀好了，將別人的創痛分而食之，七箱的文字不是七箱的芝士，更可悲是這已早在他的預料之中，順著他的劇情走，Ｋ早已經接受了現實的悲哀。設局陷害朋友，也使自己在不幸中永不超生。

只好蓋起書本，為這個可憐的男人流一滴感同身受的同情之淚。

明年二月再去看一次愛麗詩的作品吧。

哎，錯晒，呢排做乜都係錯嘅，我只好承認都是月亮惹的禍。

算，倒數三星期，專心讀書，專心做工。

（可惜連續三個星期六都要去砍。。。）

CU501 Perspectives in Cultural Studies

十二月二日　星期三　月亮說：The Circle is Complete.

檢視您與此連絡人的完整對話記錄

第四代九人 說:

大仙，

我諗到篇文寫乜喇。

第四代七人 說:

你真係寫阿 V?

第四代九人 說:

用你作為一個典範去講香港第四代人的故事。

阿V太難寫，要好熟後殖民同女性主義啲深嘢，

第四代七人 說:

你係咪諗題目諗到傻左?

第四代九人 說:

可能單講香港後生仔會易啲。

或者Jaco可以寫到。

「表面上，世代之間相安無事。其實，世代之爭即將爆發。安分的第一代人陸續退下舞台，已經開始長出銀髮的『戰後嬰兒』反而毫無倦意，繼續指指點點。內地、台灣三十世代意氣風，香港的卻感到出頭無期，生活艱難。至於第四代人，他們打從開始便是輸家。」

呂大樂嘅cover preface

而佢正正俾啲後生仔屌到佢七。

周諾恆 + 周秀娜，有冇得諗先。’

第四代七人 說:

我睇 blog, 有人提出一個提問:

咁四代人之後個代, 咪仲大鑊?

第四代九人 說:

又唔係。

佢地未要面對現實。

而我地又轉唔到個思維，

個個出嚟社會先喺度反思。

第四代七人 說:

所以咪遲左.

第四代九人 說:

而我地最七嘅係，無法好似佢地咁當自己係中國人。

今日睇新聞，條小學生，

幾撚興奮

我們是永遠有六四嘅一代，但係冇獅子山下嘅一代。

第四代七人 說:

係, 佢地連六四都無.

第四代九人 說:

好撚七。

我講我地，真係無法真心交，

第四代七人 說:

基本上成為左中國撚.

第四代九人 說:

俾中國。

唔係良知問題，

係認知問題。

第四代七人 說:

2047 年, 佢地大個哂, 到時香港人就唔會要民主, 認為民主係鬼佬侵略中共的工具.

第四代九人 說:

我頭先搵料。

discuss舊舖。

第四代七人 說:

而且咁多大陸女人落黎生仔, 就係要 ensure 這一點.

第四代九人 說:

已經用呢個論調掉七ＪＡＣＯ

咁我應該返大陸食女。

沒有第一代的單純勤奮，

第四代七人 說:

真係要.

第四代九人 說:

沒有第二代的得天獨厚，真正學到英國人嘅好處。

第四代七人 說:

香港人, 廿年之後就係二等公民.

第四代九人 說:

沒有第三代古古惑惑，咁醒扒上位。

沒有第五代的根正苗紅，愛國正能量。’

第四代七人 說:

第三代只係好彩, 在第二代仲有位/未上位時巴結到佢地.

第四代九人 說:

有冇睇曹仁超。

佢話佢坐得咁撚舒服，點會落嚟。

第四代七人 說:

有, 佢要人隊林佢

第四代九人 說:

我地最七係，冇第三代人咁認同社會嗰套。

第四代七人 說:

第三代認同係因為佢地仲有位上.

第四代九人 說:

雞與雞旦。

嗰時我做畸寶，

香港突然一下七咗

之後好返個市，又係撚咁搶錢，我同我同事結論係，

我地呢挺人，

死撚得，佢地唔俾機會自己轉型，

更加冇俾我地轉變。

點解依家啲社運有空間發展，

我地呢個位嘅人其實應該好明白。

第四代七人 說:

因為, 除左搞革命, 就只可以俾人屈死.

第四代九人 說:

我真係再次好認真咁諗移民問題。

其實香港有咗我地呢一浸人，

可能仲好。

第四代七人 說:

其實, 都肯定要走, 只係, 移民去邊咁解.

第四代九人 說:

死得八八九九嘅第一代人，

上神枱幫阿爺傳令嘅第二代人，

負責搵錢養老人嘅第三代人，

真空的我們這一代。

然後啲九十後，就可以堂堂正正用中國人嘅身份接棒。

其實有個逆向想法，中國的＂二線城市＂其實好啱我地。

第四代七人 說:

?

我地的問題都係個樣.

我地唔可能變成一個中共人.

第四代九人 說:

對不起，

不要這樣抬舉自己，

我們沒這個資格。

至少大陸壓落嚟，會出一個艾末末。

香港人真係冇撚用。

第四代七人 說:

壓死幾多人才出到一個艾末末?

香港都至少有條長毛.

第四代九人 說:

都係我老友陶賤嘅論調。

事實，我覺得空間及生活模式上，

國內二線係切合我個性多一點，

第四代七人 說:

有冇 BNO?

第四代九人 說:

冇。

第四代七人 說:

去英國.

第四代九人 說:

好住呢樣嘢，

冇得講。

過多十年，香港仲有邊度有窮人（會俾你見到？）

花一世為李嘉誠條撚人打工，好唔甘心。

第四代七人 說:

一定有人做下欄野.

第四代九人 說:

我唔想一搬屋，就由公屋去到帝乜帝物。

我指佢地被埋。

有嗰堆哈爾移動城堡，

市區仲邊有窮人嘅生活空間。

第四代七人 說:

唐唐話齋, 要加強貧富懸殊. 無窮撚又點可以 keep 住堅尼指數 no 1?

第四代九人 說:

但佢地會好似鬼嘅存在，

第四代七人 說:

有, 公屋.

第四代九人 說:

用黃子華式比喻。

第四代七人 說:

天水圍城.

第四代九人 說:

好猛呀，

我响西九見到啲窮人走內走去。

第四代七人 說:

諗到都好恐怖

第四代九人 說:

不如真係由西九開始劃個區，

普通香港人係唔俾入嘅，

將啲遊客不停咁泵入去。

第四代七人 說:

不如真係在天水圍劃個區, 打哂所有窮撚入去.

第四代九人 說:

你俾我地用我地嘅方法自生自滅都仲好啲，

仲要係咁搞９我地。

第四代七人 說:

之後就要你搬去東涌, 搬去粉北, 搬得越遠越好.

第四代九人 說:

或者我趕我老豆老母返大陸，

第四代七人 說:

唔搞你地你地點會走?

第四代九人 說:

自己住公屋，

第四代七人 說:

對唔治, 公屋係無得繼承的.

第四代九人 說:

仆佢個街，元朗有條舊村拆咗Ｎ年，好似本來想起居屋，

好彩嘅係，

我地屋企買咗。

第四代七人 說:

你老豆老母唔住你都無得住.

咁你好彩.

第四代九人 說:

唉，

第四代七人 說:

越講越灰.

第四代九人 說:

仲要唔俾人自殺，屌你。

第四代七人 說:

你死左邊個同班有錢佬做野?

第四代九人 說:

不如我將呢段對話，直接攞去交功課啦。

第四代七人 說:

這個可以.

停一停，諗一諗

十一月三十日　星期一

六時四十二分，

這夜的月上得來特早，

掛在那個洽好的位置，

比學院的屋簷瓦頂稍高一點點，

穿過松樹梢，

瀉漏半地銀光，

空氣清冷、新鮮。

滿月的晚上，

思想反而清晰，

情感更加穩定；

我知道月翻身過中天，

就要轉盈漸成虧。

六時四十二分，

時間凝定，停一停，想一想。

十二月停寫，直至論文完成為止。

Hey, Jude.

十一月二十七日　星期五　

不敢去開心，只因不想傷心。

有種人總是攣到爆，思想彎彎曲曲兜兜轉轉九曲十三彎，以為將自己收藏得穩穩陣陣妥妥當當安安全全，但那道創痕還是一伸手可及。

一首披頭四的歌，我的天呀。唱一首悲歌療傷，為著更美好的將來，即便永遠沒有了某個他，即便愛情總是在鬼鬼祟祟匿匿埋埋唔講唔覺時死亡。

或許大家喜歡梁祖堯有一定理由。